2013 елның 16-22 апрелендә Казанда Йөзү буенча Россия кубогы финалы булды. Ярышлар махсус Универсиада һәм 2015 елгы Су спорт төрләре буенча дөнья чемпионаты өчен төзелгән Су спорт төрләре сараенда узды. Ярышларга 60 кешедән торган судьялар коллегиясе хезмәт күрсәтте.
Кубокның финал өлешендә Россиянең 54 төбәгеннән 671 спортчы катнашыр дип планлаштырылды. Катнашырган гариза бирүчеләр исемлегендә Россия җыелмасының иң көчле йөзүчеләре, алар – Анастасия Зуева, Аркадий Вятчанин, Владимир Морозов, Никита Лобинцев, Юлия Ефимова, Яна Мартынова һәм башкалар. Ярышлар нәтиҗәләре буенча 2013 елгы XXVII Бөтендөнья җәйге Универсиадада, 2013 елгы XV Су спорт төрләре буенча дөнья чемпионатында, дөнья һәм Европа беренчелегендә катнашачак илкүләм җыелма командалар тупландылар.
