Дирекция турында

Зур халыкара һәм бөтенроссия чараларының рәсми оештыручысы

Оешканнан бирле “Спорт һәм социаль проектлар дирекциясе” КБАО халыкара, федераль, төбәк масштабындагы 120 дән артык проектны гамәлгә ашырды.

 

Генераль директор – Максим Сергей улы Денисов.

Тарих

 

Дирекциягә нигез 2009 елның 14 августында салына, ул шәһәр үсешендә зур роль уйнаган, аны инфраструктура белән тәэмин иткән һәм масштаблы чаралар үткәрү өчен зур материаль булмаган мирас калдырган 2013 елгы XXVII Бөтендөнья җәйге Универсиаданы әзерләү һәм аны үткәрү максатыннан булдырыла. Универсиададан соң Дирекция үз эшчәнлеген дәвам итте, киңәйтте, һәм мөстәкыйль рәвештә дә, төрле оештыру комитетлары составында да әллә ничә тапкыр зур бөтенроссия һәм халыкара чаралар оештыручысы ролен үтәде.

 

Дирекция проектлары арасында Су спорт төрләре буенча 16 нчы FINA дөнья чемпионаты, Red Bull Air Race авиаузышлары, һөнәри осталык буенча WorldSkills Kazan 2019 дөнья чемпионаты, бадминтон, дзюдо, самбо һәм башка спорт төрләре буенча дөнья һәм Европа чемпионатлары, спорт өлкәсендә һәм башка юнәлешләр буенча глобаль халыкара конференцияләр һ.б. бар. Дирекция шулай ук 2018 елда Җанатарлар фестивале оештыручысы булды, 2017 елда Конфедерацияләр Кубогы һәм Россиядә 2018 елда Футбол буенча FIFA дөнья чемпионатыTM матчларын оештыруда катнашты.

Агымдагы эшчәнлек

 

Якын киләчәктә Казан оештыручысы Дирекция булып чыгыш ясаган берничә бөтенроссия һәм халыкара чара кабул итәчәк. Алар арасында 2022 елда үтәчәк Махсус Олимпиаданың Бөтендөнья кышкы уеннары, йөзү буенча Европа һәм дөнья чемпионаты, йөзү, синхрон йөзү һәм суга сикерү буенча дөнья серияләре этаплары, беренче БДБ илләре уеннары, Бөтенроссия ГТО фестивале, Бөтенроссия урам уеннары һәм башкалар бар.

 

Россиянең спорт министрлыгы һәм Татарстан Республикасы җитәкчелеге ярдәмендә Дирекция актив рәвештә халыкара федерацияләр һәм оешмалар белән мөнәсәбәтләр урнаштыруын дәвам итә. Халыкара йөзү федерациясе (FINA) җитәкчеләре Казанны “FINAның туган йорты” дип атый. Моннан тыш, Дирекция МИНЕПС VI конференциясе нәтиҗәләре буенча кабул ителгән Казан гамәлләр планын үтәүдә ЮНЕСКОның стратегик партнеры булып тора.

Безнең турында саннар белән

Хәзерге вакытта Дирекция Казанда һәм Татарстан Республикасында үтәчәк халыкара һәм бөтенроссия чараларын әзерләү буенча үз эшен дәвам итә.

62 халыкара проект
11 еллык профессиональ эшчәнлек
75 бүләк һәм рәхмәт хаты

Гамәлгә куючылар

 

“Спорт һәм социаль проектлар дирекциясе” КБАОны гамәлгә куючылар булып Россия Федерациясе Спорт министрлыгы йөзендә Россия Федерациясе, Татарстан Республикасы Министрлар Кабинеты йөзендә Татарстан Республикасы, “Казан шәһәре муниципаль берәмлеге башкарма комитетының Җир һәм мөлкәти мөнәсәбәтләр комитеты” муниципаль казна учреждениесе йөзендә Казан шәһәре муниципаль берәмлеге һәм “Россия студентлар спорты берлеге” гомумроссия иҗтимагый оешмасы тора.

 

ГТО

 

Россия Федерациясе Спорт министрлыгы тәкъдиме белән Дирекция Россия Федерациясендә “Хезмәткә һәм оборонага әзер” Бөтенроссия физкультура-спорт комплексын (алга таба – Комплекс) алга этәрү буенча оператор итеп билгеләнде.

 

Әлеге проект кысаларында оешма башкарма хакимиятнең физик культура һәм спорт өлкәсендәге төбәк органнарын координацияли, комплексның Бөтенроссия мәгълүмат электрон базасының һәм интернет-порталының өзлексез эшчәнлеген тәэмин итә, кадрларны әзерләүдә һәм укытуда катнаша, комплексның аерымлык билгеләрен һәм аларга таныклыкларны ясауны һәм китереп җиткерүне оештыра, маркетинг программасын гамәлгә ашыра һәм федераль дәрәҗәдә комплексны гамәлгә ашыру эшләрен мәгълүмат белән тәэмин итә.

Мирас

 

Универсиада 2013 Казанның йөзен үзгәртте: Татарстан башкаласында 30 заманча, икътисади яктан нәтиҗәле спорт объекты, уникаль комплекс – Универсиада Авылы барлыкка килде, югары ук йортларының һәм спорт мәктәпләренең материаль-техник базасы тулыланды, ә шәһәр инфраструктурасы масштаблы модернизация процессы аша үтте.

 

Универсиаданы уңышлы үткәрү FISU Халыкара белем бирү үзәге ачарга, спорт волонтерлары институтын барлыкка китерергә, Халыкара волонтерлар академиясен оештыру инициативасын тормышка ашырырга ярдәм итте.
Һөнәри осталык буенча WorldSkillsKazan 2019 дөнья чемпионаты Казанга “Казан Экспо” халыкара күргәзмәләр үзәген бүләк итте һәм махсус белем бирү учрежденияләренә югары дәрәҗәдәге җиһазлар һәм кораллар калдырды. Татарстан Республикасында кадрлар әзерләү системасына дөнья стандартларын кертү мөмкинлеге барлыкка килде.

 

Халыкара йөзү федерациясе (FINА) белән берлектә Казанда Су спорт төрләрен үстерү буенча халыкара үзәк ачылды. Үзәкнең бурычы – су спорт төрләрендә зур милли казанышлары булмаган илләрдән килгән спортчыларның потенциалын нәтиҗәле ачу өчен уңайлы шартлар тудыру, шулай ук дөнья чемпионатларына һәм Олимпия уеннарына әзерләнү кысаларында үз нәтиҗәләрен яхшырту өчен мөмкинлек бирү. Россия һәм күрше-тирә илләр тренерлары һәм судьялары квалификация дәрәҗәсен күтәрү, тренерлар һәм судьялар өчен белем бирү программалары үткәрү шулай ук FINA Су спорт төрләрен үстерү үзәгенең приоритетлары булып тора.

2009

Дирекциягә нигез салыну

2009 елның 14 августында Дирекция Казанда үтәчәк XXVII Бөтендөнья җәйге Универсиадага әзерлек эшен башлады.

 

  • Универсиаданы үткәрүгә беренче заявка кампаниясен Казан Кытайның Шеньжень шәһәренә оттырды.
  • Заявканы икенче тапкыр биргәч, Казан Испаниянең Виго һәм Корея Республикасының Кванджу шәһәрен узып, Халыкара студентлар спорты федерациясе (FISU) башкарма комитеты әгъзаларының иң күп тавышын җыйды.
  • 2009 елның 14 августында “2013 елда Казанда узачак XXVII Бөтендөнья җәйге Универсиада Башкарма дирекциясе” КБАО эшли башлады.
2013

XXVII Бөтендөнья җәйге Универсиада

Әлеге Универсиада дөньяның спорт җәмәгатьчелеге тарафыннан бөтендөнья студентлар Уеннары тарихында иң яхшысы дип табылды.

  • 27 спорт төре
  • 800 000 тамашачы
  • 11 000 катнашучы
  • 160 ил
  • 351 медаль комплекты
  • 3 млрд. телетамашачы
  • 19 970 волонтер
2014

“Хезмәткә һәм оборонага әзер” Бөтенроссия физкультура-спорт комплексы

Россия Федерациясе Президентының 2014 елның 24 мартындагы карары белән “Хезмәткә һәм оборонага әзер” Бөтенроссия физкультура-спорт комплексы торгызылды. Дирекция ГТО комплексын җәелдерү буенча федераль оператор итеп билгеләнде.

 

  • Ил буенча 2 638 сынау үзәге
  • 14 400 000 катнашучы
  • 14 федераль һәм 91 төбәк илчесе
  • 4 230 000 аерымлык билгесе тапшырылды
2014

Фехтование буенча дөнья чемпионаты

Үзенең зур халыкара спорт чараларын үткәрү тәҗрибәсе ярдәмендә Казан фехтование буенча халыкара турнир үткәрү хокукын алды. Ярышларда өч төрле корал белән көрәштеләр: рапира, шпага һәм кылыч.

 

  • 102 ил
  • 800 дән артык спортчы
  • 12 бүләк комплекты
  • Төрле категорияле 42 халыкара һәм 79 милли судья
  • 343 волонтер
2014

Хай-дайвинг буенча FINA дөнья кубогы

2015 елдагы Су спорт төрләре буенча 16 нчы FINA дөнья чемпионатын әзерләү кысаларында Дирекция тарихта беренче тапкыр уздырылган экстремаль югарылыктан суга сикерү буенча Дөнья кубогының оештыручысы булды.

 

  • 3 ярыш көне
  • 35 спортчы
  • 16 ил
  • 7 судья
  • 100 гә якын тамашачы
2015

Су спорт төрләре буенча 16 нчы FINA дөнья чемпионаты

Әлеге чемпионат Халыкара йөзү федерациясе (FINA) тарафыннан мондый ярышларны үткәрү тарихында иң яхшысы дип табылды.

 

  • 2413 спортчы
  • 6 спорт төре
  • 190 ил
  • 75 медаль комплекты
  • 6,8 млрд телетамашачы
  • 2651 сәгатьлек туры трансляция
2017

Физик тәрбия һәм спорт өчен җаваплы министрлар һәм югары урындагы затларның алтынчы халыкара конференциясе (МИНЕПС VI)

Дирекция йөздән артык ил вәкиле тарафыннан бертавыштан кабул ителгән Казан гамәлләр планын үтәүдә ЮНЕСКОның стратегик партнерына әйләнде.

 

  • 103 ил
  • 35 спорт министры һәм физик тәрбия һәм спорт өчен җаваплы югары урындагы затлар
  • 20 халыкара спорт оешмасы җитәкчесе
  • 700 дән артык катнашучы
2017

Авиаузыш буенча Red Bull Air Race дөнья чемпионаты этабы

Авиаузышлар буенча дөнья сериясе этабы Россиядә беренче тапкыр Казансу елгасы ярында үтте. Дирекция ике ел рәттән әлеге гаҗәеп һава шоуы оештыручысы ролен үтәде.

 

  • 23 пилот
  • 15 катнашучы ил
  • 240 000 тамашачы
  • 180 волонтер
  • 220 ММЧ вәкиле
  • 187 илгә телетрансляция
2017

FISU Volunteer Leaders Academy халыкара спорт волонтерлары форумы

FISU Volunteer Leaders Academy – волонтерлар һәм студентлар спорты милли федерацияләре әгъзаларының халыкара спорт чараларын уздыру тәҗрибәсе һәм мәгълүматлары белән алмаша торган уникаль белем бирү мәйданчыгы. Форум ел саен уздырыла.

 

  • 100 дән артык спорт волонтеры
  • 80 нән артык ил
  • 7 көн буена сузылган дискуссияләр, мастер-класслар һәм сессияләр
2018

FIFA җанатарлар фестивале™

Россиянең 11 шәһәре белән беррәттән Казан Футбол буенча FIFA 2018 дөнья чемпионатыТМ матчларын кабул итте. Казанга бар дөньядан килгән җанатарлар өчен махсус рәвештә “Казан” гаилә үзәге янында уникаль күңел ачу мәйданчыгы төзелде.

 

  • 26 эш көне
  • 808 081 килүче
  • 3 200 артист
  • 205 шәһәр волонтеры һәр көнне эшләде
  • Россия – Хорватия матчы көнне бирегә 31 000 кеше килде
2018

FINA су спорт төрләрен үстерү үзәге

2018 елның сентябрендә FINAның стипендиаль программаларын һәм үсеш программаларын гамәлгә ашыру максаты белән Халыкара йөзү федерациясе (FINA) тарафыннан Казанда су спорт төрләрен үстерү үзәген булдыру турындагы карарга кул куелды.

 

  • FINAның стипендиаль программаларында катнашучы 25 илдән килгән 30 спортчы
  • 2 әзерләү юнәлеше (йөзү һәм суга сикерү)
  • Тренер һәм судьялар өчен 4 халыкара FINA семинары һәм синхрон йөзү судьялары өчен 1 FINA мәктәбе
  • FINA белем бирү программасында 143 кеше катнашты
2019

FINA су спорт төрләрен үстерү үзәге

2018 елның сентябрендә FINAның стипендиаль программаларын һәм үсеш программаларын гамәлгә ашыру максаты белән Халыкара йөзү федерациясе (FINA) тарафыннан Казанда су спорт төрләрен үстерү үзәген булдыру турындагы карарга кул куелды.

 

  • FINAның стипендиаль программаларында катнашучы 25 илдән килгән 30 спортчы
  • 2 әзерләү юнәлеше (йөзү һәм суга сикерү)
  • Тренер һәм судьялар өчен 4 халыкара FINA семинары һәм синхрон йөзү судьялары өчен 1 FINA мәктәбе
  • FINA белем бирү программасында 143 кеше катнашты
2020

ТАССР оешуга 100 елны бәйрәм итү елы

Дирекция әлеге истәлекле датага багышланган тантаналы чаралар үткәрү операторы итеп сайланды.

 

  • 14 меңнән артык чара
  • Россиянең 69 субъекты, Татарстан Республикасының 45 муниципаль районы
  • “ТАССРга 100 ел” товар билгесенә 266 сертификат тапшырылды
  • 3000 данә истәлекле тәңкә чыгарылды
  • 4500 объект төзелде һәм төзекләндерелде
2020

Беренче Бөтенроссия урам уеннары

Мультиспорт фестивале Россиянең иң зур экстрим-паркларының берсендә, 2020 елның җәендә ачылган “УРАМ” комплексында узды. Ул һәр ел саен уздырылачак.

 

  • 800 спортчы
  • 10 спорт төре
  • 80 медаль комплекты
  • 8 ярыш зонасы
2021

Махсус Олимпиаданың кышкы спорт төрләре буенча Бөтенроссия Спартакиадасы

 

Спартакиада 2022 елда уздырылачак Махсус Олимпиаданың Бөтендөнья кышкы уеннарына әзерлек кысаларында оештырылган тест чарасы иде.

 

  • 36 төбәктән килгән 600 атлет
  • 6 спорт төре
  • 4 объект
  • 490 волонтер

Бүләкләр

 

Дирекция тарафыннан гамәлгә ашырылган проектлар бүләкләргә лаек булды, алар арасында – Казанда 2013 елда узган Бөтендөнья җәйге универсиада өчен “Иң инновацияле проект” һәм “Вакыйганың иң яхшы визуаль образы” ISEM премияләре, шулай ук халыкара һәм милли федерацияләр, министрлыклар һәм ведомстволар тарафыннан юлланган күпсанлы рәхмәт хатлары да бар.

Хәйриячелек

 

2015 елдан бирле Дирекция хәйрия эшчәнлегендә актив катнаша. Оешма 40 тан артык хәйрия акцияләрендә, спорт турнирларында, марафоннарда катнашты. Хәйрия эшчәнлеге чорында “Хыялны үтәү”, “Роналд Макдоналд йорты”, “Альпари”, “Балачак шатлыгы” һ.б. фондларга 5 млн. сумнан артык акча күчерелде.

Адрес Казан

Универсиады авылы, 35 йорт

Ничек барып җитәргә

Телефон номеры +7 (843) 222 07 82

Безнең белән элемтәгә керегез

09:00 - 17:00 Дш-Җм

Электрон почта volunteers@dspkazan.com
Вконтакте vk.com/kazanvolunteers