Хатын кызлар җыелма командалары арасында 2016 елдагы Регби-7 Европа чемпионаты этабы (Гран-При сериясе)

Казанда 11-12 нче июнь көннәрендә Үзәк стадионда (Ташаяк ур., 2 йорт) регби-7 буенча Европа Гран-при сериясенең ике этабының беренчесе узды.

Турнир турында

2015 елда хатын-кызлар командалары арасында регби-7 буенча Европа Гран-При сериясе этабы Казанда “Тулпар” стадионында узды һәм финалда Россия командасы Франция командасын бик матур уен күрсәтеп җиңүгә иреште.

Татарстан башкаласы зур халыкара ярышларны оештыру һәм сыйфатлы итеп уздыру буенча зур тәҗрибәгә ия. Биредә узган зур чаралар арасында спортның төрле төрләре буенча Европа һәм дөнья чемпионатлары, шулай ук Россиянең регби-7 буенча ир-атлар һәм хатын-кызлар командалары регбичылары алтын меальләргә ия булган чара – 2013 елда узган Бөтендөнья җәйге Универсиада да бар.

2016 елда Казанда хатын-кызлар командалары арасында узган регби-7 буенча Европа Гран-При сериясе этабы Россия җыелма командасы өчен Бразилиядә узачак Олимпиадага юллама уйнатылачак урын – Дублинга (Ирландия) бару алдыннан соңгы сынау булып торды. Континентның иң яхшы командасы исеменә 12 җыелма команда дәгъва итте: Россия, Франция, Ирландия, Бөекбритания-1, Бөекбритания-2, Испания, Бельгия, Италия, Португалия, Финляндия, Голландия, Украина. Россия җыелма командасы “В” төркемендә Ирландия, Италия һәм Бельгия командалары белән бергә уйнады.

Ярышлар нәтиҗәләре

Казандагы регби-7 буенча Европа чемпионаты – Европа гран-при сериясенең беренче этабы Европаның гамәлдәге чемпионкалары булган Франция җыелма командасы җиңүе белән тәмамланды. Финал матчында Франция җыелма командасы Россиянекен 22:12 исәбе белән отты.