Катнаш командалар арасында керлинг буенча 2016 елдагы дөнья чемпионаты

Катнаш командалар арасында кёрлинг буенча дөнья чемпионаты Казанның Спорт сараенда (Мәскәү ур., 1 йорт) 2016 елның 14 нче октябреннән 22сенә кадәр узды. Турнирда 37 команда (171 кеше, шул исәптән 148 спортчы һәм 23 рәсми зат) катнашты. Чемпионатта 10 халыкара һәм 30дан артык милли судья эшләде.

Чемпионат турында

Керлинг буенча ярышлар өч дисциплинада тәкъдим ителә, шуларның берсе – “микст” (катнаш командалар ярышы). “Микст” дисциплинасындагы матч 8 периодтан (эндлардан) тора.

Катнаш команданы дүрт уенчы тәкъдим итә: ике ир-ат һәм ике хатын-кыз, запаста торучы уенчылар каралмаган. Уенда спортчылар уен позицияләре буенча алмашыналар: әгәр дә скип (команда капитаны) булып ир-ат уйнаса, көчле затларның тагын бер вәкиле икенче сан астында уйнарга, икенче төрле әйткәндә, команданың һәр эндта өченче һәм дүртенче ташларын ыргытучы ролендә булырга тиеш.

Катнаш командалар арасында дөнья чемпионаты беренче тапкыр 2015 елның көзендә Берн шәһәрендә (Швейцария) узды. 2016 елда Казанда икенче чемпионат узды.

Ярышларның нәтиҗәләре

Россия җыелма командасы, финалда Швециягә каршы уйнап, катнаш командалар арасында кёрлинг буенча дөнья чемпионы булды. Шотландиялеләр бронза медальгә ия булдылар.