Бразилия командасы Tamo Junto Екатеринбургтан килгән New Russian командасын җиңде һәм Фиджитал Уеннарында иң яхшы команда булып чыкты.
Фиджитал-футбол буенча ярышлар ике өлештән тора: башта катнашучылар футбол симуляторында көрәшәләр, аннары виртуаль уенда тупланган баллар белән мини-футбол кырына күчәләр һәм анда иң көчлеләрен ачыклыйлар.
Финал. New Russian – Tamo Junto – 2:3 пенальти буенча
New Russian командасы Россиянең югары дивизионында уйнау тәҗрибәсе булган футзал спортчылардан тора, Tamo Junto командасында Көньяк Америка медиа футболыннан җыелган Бразилия блогерлары һәм «Амкал» командасы өчен уйнау белән танылган Алексей Гуркин уйный. Уралдан килгән команда финалның физик өлешенә игътибар итәчәге, ә көндәшләре цифрлы футболда тырышулары билгеле иде.
Бразилия командасы матчның беренче өлешен тактик яктан дөрес үткәрде. Ул тупны озак тотты, комбинация уйнатты, көндәшләргә каршы һөҗүм итәргә мөмкинлек бирмәде, һәм бу план эшләде. Беренче таймда Кунья исәпне ачып җибәрде, һәм икенче өч минутлык период башында Tamo Junto New Russian командасының капкасына тагын бер туп җибәрде. Уралдан килгән команда Бразилиянең барлык капка штангаларына туп атты, ләкин җиңеп чыга алмады.
Футзалда New Russian спортчылары шунда ук өстенлекне үзләренә таба тарттылар һәм туптан аерылмадылар диярлек. Алар Бразилия капкасы янында әйләнделәр, тупны кертер өчен күп мөмкинлек тудырдылар, һәм капкачы Алексей Гуркин булмаса, исәп тиз арада зур булыр иде. 3 нче минутта Федор Паньков каршы һөҗүмнән соң иптәшеннән паска ачылды һәм тупны кертте, ә 9 нчы минутта Игнат Сабирзянов капкачының сул ягы почмагына төгәл сугып тупны кертте – исәп 2:0 булды. Бразилия командасы уенны алмаштырулар белән дәртләндереп җибәрде. Кунья һәм Дагоберто яхшы мөмкинлекләр тудырдылар, ләкин New Russian үзенекен итәргә дәвам итте һәм хаталар ясамады диярлек.
Тәнәфестән соң Гуркин Tamo Junto командасын коткаруын дәвам итте, ике тупны тотып алып чыгарды, һәм иптәшләре һөҗүмгә сизелерлек дәрәҗәдә арттырды. Матеус буш капкага бәрде, ләкин Илья Корелин тупны туп сызыгыннан ярты метрда туктатты. Дагоберто сул аягыннан цельга төбәп типте, ләкин тибүе бераз төгәл булмады. Уенның ахырына бер минут калгач New Russian командасы капкачысын алтынчы уйнаучыга алыштырды һәм аның өчен җәза күрә язды. Бразилия командасына җиңү китерер өчен Заниззеллога бераз вакыт җитмәде. Шулай да пенальти сериясе булды!
New Russian капитаны Иван Комаров Бразилиянең беренче тубын шундук кире кайтарды, ләкин Tamo Junto командасының Гуркинны алыштырган Кунья шул ук вакытта команданы коткарды. Гуркин алты метрлы билгегә якынлашып капкачыга бернинди мөмкинлек калдырмады – исәп 1:0 булды, Паньков җавап бирде – исәп 1:1 булды. Матеус төгәл югары почмакка бәрде – 2:1, Сабирзянов исәпне тигезләде – 2:2. Бразилиянең дүртенче тубын Хонатас кертте – 3:2. Кунья Корелинның тубын алды. Заниззело хәлиткеч тупны уйнатты! Tamo Junto – беренче фиджитал-футбол турнирында җиңүче!
«Ике көн рәттән җиңү авыр булды. Көч җитмәгәнгә күрә шундый нәтиҗә булып чыкты. Бу иң көчле Бразилия командасы дип әйтә алмыйм. Һәвәскәрләрдән бераз югарырак. Безгә цифрлы футбол уйнау тәҗрибәсе җитмәде. Без китәр алдыннан берничә күнекмә алдык та, Казанда компьютер клубына бардык. Бу безнең көчсезлегебез. Ике матчта туп кертмәгәнгә күрә бик авыр булды», – диде New Russian командасы уйнаучысы Федор Паньков.
«Мин мондый яхшы оештырылган турнирга Бразилиядән Россиягә очтып килдем. Мин бик шатмын! Бүген бездә FIFA да резерв ясау тактикасы булды. Гомумән, без футзал яхшы уйныйбыз, ләкин беренче тапкыр бергә уйнадык. Шуңа күрә без моның авыр булачагын белдек. Без бик яхшы күрендек һәм без чемпионнар! Турнирның шундый югары дәрәҗәдә оештырылуын күз алдыма да китерә алмадым», – хәлиткеч тупны керткән Заниззело җиңү турында тәэсирләрен уртаклашты.
Өченче урын өчен матч. Lokomotiv – Fake Football – 15:11 (8:1)
Цифрлы матчның беренче секундларыннан Lokomotiv командасы «2Drots» медиа-лига клубы уйнаучыларыннан торган Fake Football капкаларын камап алды. Артем Хәлилов һәм Антон Кленов Богдан Тимошенко һәм Карен Арутюнянга бернинди мөмкинлек калдырмадылар, һәм беренче тайм Loko файдасына 2:0 исәбе белән тәмамланды. Ләкин иң начары Fake Football командасы өчен әле алда иде. Икенче таймда алар алты туп керттеләр һәм 0:7 исәбе белән Андрей Belka Белов абруйлы туп кертә алды. Роберт Фахретдинов дүрт туп кертте. 8:1 исәбе Fake Football командасына гомуми уңышка мөмкинлек калдырдырмады диярлек.
Ярым финалда Lokomotiv 4 туплы өстәнлекне саклап кала алмады, алтын матчта New Russian командасына юл куйды, ләкин бронза өчен уенда хаталар төзәтелде. Вадим Цай тупны тиз кертте һәм буш капкага пас бирде, аннан соң уен шоуга әйләнде. Тамашачылар берничә тупны кертер өчен омтылу, матур трюклар һәм хәтта капкачы керткән тупны да күрделәр. Андрей Белов аерылып торды, ләкин бу җиңү өчен җитәрлек булмады.
«Бу матчның цифрлы өлеше шундый булыр дип көткән идек. Кичә дә без шул ук исәп белән уенны алга алып барырга тиеш идек, ләкин бары тик 4 туп керттек, кырда дүрт тупны үзебезнең капкага кертергә көндәшебезгә мөмкинлек бирдек, аннан соң пенальтида оттырдык. Әгәр дә без ярым финалда җиңелрәк көндәшне очраткан булсак, FIFA дагы өч-дүрт гол безгә җиткән булыр иде. Бүген без финалда New Russian командасы белән уйнаган булыр идек. Без бернинди очракта да «минус 7» бирмәс идек. Баштан ук бу шоу булачагы ачык иде. 4-5 туп аермасы булса, ярышуның мәгънәсе юк. Күңелле, матур комбинацияләр өчен уйнадык. Матч уңышлы үтте! Турнир үзе бик шәп. Киләчәк фиджитал-спорт белән бәйле», – диде Lokomotiv капитаны Роберт Фахретдинов.
