«КАИ ОЛИМП» МСК – Казанның иң зур спорт объектларының берсе буларак Россиянең 5 иң яхшы спорт комплекслары арасына керә. Объект махсус рәвештә 2013 нче елның XXVII Бөтендөнья Җәйге Универсиада өчен төзелгән. Объект составына универсаль спорт залы, ябык типтагы бассейн һәм стадион керә.
Бу объект А.Н. Туполев исемендәге Казан илкүләм тикшеренү техник университеты студентларының һәм баскетбол, гандбол һәм мини-футбол буенча университет командаларының, балалар спорт мәктәпләре студентларының уку-күнекмә дәресләре өчен кулланыла.
2013 нче елның Бөтендөнья Җәйге Универсиада кысаларында биредә баскетбол турниры уздырылды. 2021 нче елда «КАИ ОЛИМП» спорт залында БДБ уеннарының бию спорт ярышлары үтте. Шулай ук бина төбәкара “Алтын боҗра Кубогы” йөзү ярышларын (2022), фитнес-аэробика буенча Идел буе федераль округы чемпионатын һәм беренчелеген (2023) һәм башка чараларны кабул итте.
Техник характеристикалар:
Бина мәйданы:
- Универсаль спорт залы – 4 000 кв.м.
- Ябык типтагы йөзү бассейны – 11 000 кв.м.
- Стадион – 7 070 кв.м.
Сыйдырышлык:
- Универсаль спорт залы – 400 кеше
- Ябык типтагы йөзү бассейны – 1 000 кеше
- Стадион – 1 500 кеше
Объектның спорт мәйданчыклары:
Универсаль спорт залы:
- Күпфункцияле зал – 32х48 м.
- Тренажёрлар залы – 500 кв. м.
- Ринг белән көрәш залы 18х24 м.
Ябык типтагы йөзү бассейны:
- Бассейн ваннасы – 50х25 м.
- Күпфункцияле зал – 840 кв. м.
- «Коры йөзү» залы – 240 кв.м.
- Сауна белән тренажёрлар залы – 220 кв.м.
Стадион:
- Футбол кыры 105х68 м.
- Җиңел атлетика узышу сукмаклары 400х6 м.
