Гамәлгә куючылар
“Спорт һәм социаль проектлар дирекциясе” КБАОны гамәлгә куючылар булып Россия Федерациясе Спорт министрлыгы йөзендә Россия Федерациясе, Татарстан Республикасы Министрлар Кабинеты йөзендә Татарстан Республикасы, “Казан шәһәре муниципаль берәмлеге башкарма комитетының Җир һәм мөлкәти мөнәсәбәтләр комитеты” муниципаль казна учреждениесе йөзендә Казан шәһәре муниципаль берәмлеге һәм “Россия студентлар спорты берлеге” гомумроссия иҗтимагый оешмасы тора.
ГТО
Россия Федерациясе Спорт министрлыгы тәкъдиме белән Дирекция Россия Федерациясендә “Хезмәткә һәм оборонага әзер” Бөтенроссия физкультура-спорт комплексын (алга таба – Комплекс) алга этәрү буенча оператор итеп билгеләнде.
Әлеге проект кысаларында оешма башкарма хакимиятнең физик культура һәм спорт өлкәсендәге төбәк органнарын координацияли, комплексның Бөтенроссия мәгълүмат электрон базасының һәм интернет-порталының өзлексез эшчәнлеген тәэмин итә, кадрларны әзерләүдә һәм укытуда катнаша, комплексның аерымлык билгеләрен һәм аларга таныклыкларны ясауны һәм китереп җиткерүне оештыра, маркетинг программасын гамәлгә ашыра һәм федераль дәрәҗәдә комплексны гамәлгә ашыру эшләрен мәгълүмат белән тәэмин итә.
Мирас
2013 нче елда үткән Универсиада Казанның йөзен үзгәртте: Татарстан башкаласында 30 заманча, икътисади яктан нәтиҗәле спорт объекты, уникаль комплекс – Универсиада Авылы барлыкка килде, югары уку йортларының һәм спорт мәктәпләренең материаль-техник базасы тулыланды, ә шәһәр инфраструктурасы масштаблы модернизация процессы аша үтте. Универсиаданы уңышлы үткәрү FISU Халыкара белем бирү үзәге ачарга, спорт волонтерлары институтын барлыкка китерергә, Халыкара волонтерлар академиясен оештыру инициативасын тормышка ашырырга ярдәм итте. 2017 нче елда, Дирекция МИНЕПС VI конференциясе нәтиҗәләре буенча кабул ителгән Казан гамәлләр планын үтәүдә ЮНЕСКОның стратегик партнеры булып тора.
Һөнәри осталык буенча WorldSkills Kazan 2019 дөнья чемпионаты Казанга «Казан Экспо» халыкара күргәзмәләр үзәген бүләк итте һәм махсус белем бирү учрежденияләренә югары дәрәҗәдәге җиһазлар һәм кораллар калдырды. Татарстан Республикасында кадрлар әзерләү системасына дөнья стандартларын кертү мөмкинлеге барлыкка килде.
Халыкара йөзү федерациясе (World Aquatics) белән берлектә Казанда Су спорт төрләрен үстерү буенча халыкара үзәк эшли. Үзәкнең төп бурычы – су спорт төрләрендә зур милли казанышлары булмаган илләрдән килгән спортчыларның потенциалын нәтиҗәле ачу өчен уңайлы шартлар тудыру. Россия һәм күрше-тирә илләр тренерлары һәм хөкемдарлары квалификация дәрәҗәсен күтәрү шулай ук Су спорт төрләрен үстерү үзәгенең приоритетларның берсе булып тора.