«Буревестник» ябык типтагы йөзү бассейны Универсиада авылы территориясендә урнашкан. Анда 50 метрлы бассейн, универсаль спорт залы (волейбол, баскетбол һәм TeraflexSport M Performance спорт идән каплауы белән мини-футбол өчен), паркет идәнле коры йөзү спорт залы, тренажёрлар залы бар.
Бассейн бинасы янында җиңел атлетика стадионы урнашкан, анда уку-күнекмә җыеннары, җиңел атлетика ярышлары, шәһәр, район һәм мәктәп ярышлары үткәрелә. 2018 нче елда объектта XI Александр Попов Кубогының чаңгы ярышлары уздырылды, ә 2023 нче елда, Махсус Олимпиаданың Бердәм Уеннары кысаларында, биредә кар табан киеп йөгерү буенча ярышлар үтте.
«Буревестник» бассейны шулай ук милли һәм халыкара ярышлар үткәрү урыны булып кулланыла. Бу объектта 2013 нче елның Бөтендөнья Җәйге Универсиада кысаларында су поло турниры үткәрелде, шулай ук биредә 2018 нче елда XI Александр Попов Кубогының йөзү һәм синхрон йөзү ярышлары уздырылды.
Моннан тыш, «Буревестник» бассейнында берничә тапкыр «Идел буе физик культура, спорт һәм туризм университеты ректоры Кубогына» йөзү ярышлары һәм «Светлана Ромашина Кубогына» синхрон йөзү турниры узды. 2023 нче елда исә бина Mad Wave Challenge балалар турнирын кабул итте.
